Дар толори Кохи фарҳанги шаҳри Панҷакент бо иштироки раиси шаҳр Абдухолиқ Холиқзода, собиқадорон ва кормандони соҳаи тандурустии шаҳр ба ифтихори Рӯзи кормандони соҳаи тиб ва зодрӯзи олими бузург, ҳаким Абӯалӣ ибни Сино ҷамъомади тантанавӣ баргузор шуд.

Дар паёми табрикии раиси шаҳр ба ин муносибат гуфта шуд, ки дар даврони истиқол бо роҳнамоии Пешвои миллат, Президени Ҷумҳурии Тоҷикистон муҳтарам Эмомаӣ Раҳмон соҳаи тандурустии мамлакат, аз ҷумла шаҳри Панҷакент, рушд карда, заминаи моддӣ- техникии он тавсеа ёфта, дар ин давра барои рушди соҳа дар маҷмӯъ 185 миллион сомонӣ масраф гардидааст.

Аз ҷумла, 11 июли соли равон зимни ташрифи Сардори давлат ба Панҷакент беморхонаи минтақавии деҳаи Ғӯсар ва боз 5 муассисаи тиббӣ ба истифода қарор дода шудааст ва ин кор минбаъд низ идома дода мешавад.

Дар фарҷоми ҷаласа ба як гурӯҳ духтурон, кормандони миёнаи тиб, дигар кормандон нишони “Аълочии тадурустии Тоҷикистон”, сипосномаи раёсати тандурустии вилоят, мақомоти иҷроияи маҳаллии ҳокимияти давлатии шаҳр ва тӯҳфаҳои хотиравӣ тақдим карда, бо иштироки ҳунармандон аз шаҳрҳои Душанбе ва Хуҷанд ва санъаткорони шаҳр барномаи ҷолиби ҳунарӣ пешкаш карда шуд.