Panjakent.tj - Хабарҳо

2025-05-09 10:36:24

МУЛОҚОТ БО СОБИҚАДОРИ АҚИБГОҲИ ҶАНГ

 Аз 5885 нафар иштирокчиёни набардҳои хунини Ҷанни Бузурги Ватанӣ аз шаҳри Панҷакент  ҳоло  хотираи нек боқӣ модааст ва аз дорандагони нишони “ Барои хидмати  шоиста дар солҳои Ҷанги Бузурги Ватанӣ, солҳои 1941-1945” танҳо   сокини маҳаллаи Саройбоғи деҳаи Кулолии Ҷамоати  деҳоти Рӯдакӣ, собиқ омӯзгор Холмаҳмад Холиқов, ки синнаш ба садсолагӣ наздик мешавад, барҳаёт аст.

  Арафаи Рӯзи Ғалаба намояндаи мақомоти иҷроияи ҳокимияти давлатии вилояти Суғд, директори намояндагии КВД “Хоҷагии манзилӣ – коммуналӣ” дар вилоят Баҳриддинхоҷа Нозимӣ ва раиси шаҳри Панҷакент Абдухолиқ Холиқзода  ӯро бо ҷашни Ғалаба муборакбод гуфтанд ва  ба ӯ табрикот  ва ёрии яквақтаи молиявии   раиси вилояти Суғд, муҳтарам Раҷаббой   Аҳмадзода ва мақомоти иҷроияи маҳаллии ҳокимияти давлатии шаҳр тақдим карда шуд.

  Дар сӯҳбат бо собиқадори ақибгоҳи ҷанг таъкид шуд, ки Ҳукумати мамлакат ба хидматҳои содиқонаи онҳо ҳамеша арҷгузорӣ менамояд.

2025-05-09 10:28:34

ТАҶЛИЛИ 80- СОЛАГИИ ҒАЛАБА ДАР ҶАНГИ БУЗУРГИ ВАТАНӢ

Ба ифтихори  80-умин солгарди ғалаба дар Ҷанги дуюми ҷаҳон дар  саҳни лавҳаи ёдгорӣ ба хотири шаҳидони ҷанг дар боғи Камоли Хуҷандии  шаҳри Панҷакент бо иштироки доираи васеъи собиқадорони меҳнат, ҷомеаи меҳнатии корхонаю муассисаҳо, ҷавонон  ҷамъомади тантанавӣ баргузор шуд.

  Таҷлили ин санаи таърихӣ бо шиносоӣ бо аслиҳаи ҷангӣ ва  гулгузорӣ ба пояи лавҳаи ёдгорӣ ва оташи абадӣ ба   эҳтироми шаҳидони ҷанг оғоз шуда, ҳозирин ва сокинони шаҳрро аз номи муовини аввали  раиси Маҷлиси миллии Маҷлиси Олии Ҷумҳурии Тоҷикистон, раиси вилояти Суғд, муҳтарам Раҷаббой Аҳмадзода, намояндаи мақомоти иҷроияи ҳокимияти давлатии вилоят, директори намояндагии КВД “ Хоҷагии манзилӣ- коммуналӣ” дар вилояти Суғд Баҳриддинхоҷа Нозимӣ  ва раиси шаҳр Абдухолиқ Холиқзода ба муносибати  ҷашни Ғалаба муборакбод намуданд.

  Аз ҷумла,  гуфта шуд, ки ба таъкиди Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар суханронӣ ба ифтихори 80- солагии Ғалаба мардум ва Ҳукумати мамлакат ба ин хизмати таърихии фарзандони содиқу далери худ ҳамеша арҷ мегузоранд. 

        Зимнан,дар солҳои мудҳиши Ҷанги Бузурги Ватанӣ 5885 нафар ҳамдиёрони диловари мо дар набардҳои хунин иштирок намуда, 2400 нафари онҳо ҷонашонро дар ҷабҳаҳо нисор кардаанд ва ҳоло дар шаҳри Панҷакент аз иштирокчиёни набардҳои хунини ҷанги  ҷаҳонии дувум танҳо хотира ва номи нек боқӣ мондааст. 

      Дар фарҷоми таҷлили ҷашни 80- солагии Ғалаба дар Ҷанги Бузурги Ватанӣ аскарони қисми низомии Вазорати мудофиаи мамлакат мустақар дар шаҳри Панҷакент машқҳои ҳарбӣ нишон доданд.

      Ба муносибати 80-умин солгарди Ғалаба дар  корхонаю ташкилотҳо, муассисаҳои таълимӣ ҷамъомаду чорабиниҳои гуногун баргузор карда шуданд.

2025-05-06 16:23:30

ФОРУМИ БОНУВОНИ СОҲИБКОР

Дар доираи ҳамкориҳои мақомоти иҷроияи маҳаллии ҳокимияти давлатии шаҳри Панҷакент бо   лоиҳаи “ Идоракунии ҳамгироии захираҳои табии барои рушди одилона ва устувор дар водии Зарафшон” (INVEST),ки аз ҷониби Ҳукумати мамлакат ва шарикони рушд маблағгузорӣ мешавад,  бо иштироки   сафири Иттиҳоди Аврупо дар Тоҷикистон   Раймондас  Карабис ва муовини раиси шаҳр Парвина Нақибӣ таҳти унвони “Зан – тақвиятгари рушд” форуми занони соҳибкори шаҳри Панҷакент, ноҳияҳои Айнӣ ва Кӯҳистони Мастчоҳ баргузор шуд.

  Зимни боздид аз намоиши дастовардҳои бонувони минтақа, ки дар ҳамкорӣ бо лоиҳаи мазкур  соҳиб шудаанд, ба он баҳои баланд дода шуд.

  Дар  идома бо иштироки  бонувони соҳибкор семинари дастурдиҳӣ доир шуда, роҳу усулҳои ба соҳибкорӣ ҷалб намудани бонувон, тақвияти соҳибкории занон ба онҳо фаҳмонида шуд.

   Зимнан, ба зерлоиҳаҳои ин Лоиҳа, ки рушди боғпарварӣ, истеҳсоли маҳсулоти аз нигоҳи экологӣ безарар, коркарди маҳсулоти кишоварзӣ,  ҳунармандӣ, дастрасӣ ба обу ғизои тозаро фаро мегирад, беш аз 350 нафар бонувони минтақа ҷалб шудаанд.

2025-05-06 14:33:28

БОЗДИД АЗ ЧАРОГОҲ

Тибқи ҳисоботи оморӣ ҳоло дар хоҷагиҳои ҷамъиятӣ ва шахсии шаҳри Панҷакент наздик ба 222 ҳазор сар гӯсфанду буз нигоҳдорӣ ва парвариш карда мешавад.

  Қисмати асосии моли майда фасли зимистонро дар минтақаҳои ҷануби кишвар паси сар намуда,  баъди анҷоми маъракаи наслгирӣ, ҳоло ба чарогоҳҳои тобистона  ронда мешавад.   Маъракаи наслгирӣ асосан анҷом ёфта, дар маҷмӯъ  аз ҳар сад сар моли майда наздик ба 70 сар барраю бузғола гирифта шудааст

  Рамаи   моли майдаи хоҷагиҳои  деҳқонии ба номи Нишонов ва “Роҳи абрешим”-и Ҷамоати деҳоти Саразм бошад, зимистонро низ дар дашту кӯҳҳои ҳудуди шаҳр мегузаронад. Ин рамаро солҳои зиёдест, ки  даҳмардаи авлодӣ ва варзида  Фатҳулло Бобоев ва писаронаш Ашӯру Султон нигоҳубин менамоянд.

  Раиси шаҳр Абдухолиқ Холиқзода  аз  чарогоҳи   мавеъи Чавлии Ҷамоати деҳоти Саразм боздид намуда, бо кору бори ин чорводорони собиқадор ва асил шинос шуд.

  Гуфта шуд, ки дар рамаи онҳо беш аз 700 сар моли майдаи ин ду хоҷагӣ парвариш меёбад. Имсол низ  онҳо  гӯсфандонро аз зимистон фарбеҳу солим бароварда, аз ҳар сад сар 90 сарӣ насл гирифтанд,

  Ҳоло рамаи онҳо дар чарогоҳҳои сералафи мавзеъи  Палангсой  нигоҳдорӣ шуда, баъди муддате ба чаррогоҳҳои тобистонаи Ҳафткӯл бурда мешавад.

2025-05-06 08:40:00

ПАНҶАКЕНТ: БОҒИ КАМОЛИ ХУҶАНДӢ БОЗСОЗӢ МЕШАВАД..

Бо дастгирии мақомоти иҷроияи маҳаллии ҳокимияти давлатии шаҳри Панҷакент боғи фарҳангию фароғатии ба номи Камоли Хуҷандӣ, ки дар яке аз мазеъҳои зебоманзари шаҳр, дар соҳили дарёи Зарафшон воқеъ аст, аз ҷониби соҳибмулк, соҳибкори муваффақ Алишер Бозоров бо тарҳи комилан нав азнавсозӣ карда мешавад.

  Тавре, зимни боздиди раиси шаҳр Абдухолиқ Холиқзода шарҳ дода шуд, айни замон корҳои ободонию азнавсозӣ бо тарҳи нав оғоз шуда, атрофи  Кӯли ҷавонон, ки дар канори боғ воқеъ аст, роҳравҳо бо қуми  маҳин пӯшида, барои истироҳат ва шиноварӣ омода карда шудааст ва корҳо дар ин самт идома доранд.

  Мутобиқи лоиҳаи ангоравӣ дар боғ  бунёди манораи бузург тимсоли бурҷи Эйфели Порис, фаввораҳо, мавзеъҳои истироҳатӣ, қаҳвахонаю майдонҳои бозӣ,  айвонҳои мунаққаш барои нишаст, амфитеатр, роҳравҳои чароғон, майдон, гулгаштҳо ва лавҳаи ёдгорӣ ба хотири иштирокчиёни ҷанги дуюми ҷаҳон бо тарҳи нав ва ғайра пешбинӣ шуда, онҳо батадриҷ сохта мешаванд.

  Бо анҷоми ин ободкориҳо боғи фарҳангию фароғатии ба номи Камоли Хуҷандӣ ба минтақаи зебои фароғатӣ барои сокинону меҳмонон, сайёҳон ва баргузории чорабиниҳои гуногуни фарҳангӣ табдил хоҳад ёфт.

2025-05-05 15:08:35

КИШТИ ШОЛӢ ОҒОЗ ШУД

Имсол кишоварзони шаҳри Панҷакент тасмим гирифтаанд, ки дар майдони 1850 гектар, замин, ки асосан дар  ду соҳили дарёи Зарафшон воқеъ аст, шолӣ кишт намоянд.

   Дар кооперативи тиҷоратии тухмипарварии ба  номи Шамсӣ Назарови Ҷамоати деҳоти Хурмӣ  бо иштироки  раиси шаҳр Абдухолиқ   Холиқзода ва  фотиҳаи деҳқонони  варзида ба кишти  шолӣ оғоз намуданд.Онҳо имсол дар майдони 73 гектар навъҳои девзира, “Панҷруд”, “ Саразм”, Марҷон, Нуқус, Регар ва ғайраро,ки ба иқлими ин ҷо мувофиқ аст, кишт намуда, дар таъмини хоҷагиҳои шолипарвари шаҳр бо тухмии хушсифат низ саҳм мегузоранд.

   Деҳқонони Ҷамоати деҳоти  Хурмӣ дар рӯёнидани ҳосили фаровони шолӣ таҷрибаи ғанӣ андӯхтаанд ва майдони кишти ин зироати пурқимати ғизоиро  дар заминҳои соҳили Зарафшон имсол  ба 280 гектар мерасонанд.

  Кишти шолӣ  ҳоло дар хоҷагиҳои деҳқонии ҷамоатҳои деҳоти Амондара ва Саразм низ шурӯъ шуда, он дар мӯҳлати кӯтоҳ анҷом дода мешавад.

  Зимни иштирок дар маъракаи кишти шолӣ ба масъулони идораи давлатии беҳдошти замин ва обёрии ҳавзаи дарёи Зарафшон, ҷамоати деҳот ва дещқонон барои идомаи корҳои соҳилмустаҳкамкунӣ то оғози мавсими обхезии дарёи Зарафшон дастур дода шуд.

2025-05-05 14:51:42

МАҚОМОТИ ИҶРОИЯИ МАҲАЛИИ ҲОКИМИЯТИ ДАВЛАТИИ ШАҲРИ ПАНҶАКЕНТ БАРОИ ИШҒОЛИ МАНСАБҲОИ ХОЛИИ ЗЕРИН ОЗМУН ЭЪЛОН МЕНАМОЯД:

Дастгоҳи раиси шаҳри Панҷакент
Мутахассиси пешбари шуъбаи ташкилӣ ва кор бо кадрҳои дастгоҳи раиси шаҳр – 1 ҷой, маоши мансабӣ – 1554,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи дастгоҳи раиси шаҳр – 1 ҷой, маоши мансабӣ – 1554,40 сомонӣ;
Мутахассиси пешбари шуъбаи иқтисод, савдо ва мониторинг – 1 ҷой, маоши мансабӣ - 1554,40 сомонӣ;
Мутахассиси шуъбаи ташкилӣ ва кор бо кадрҳои дастгоҳи раиси шаҳр – 1 ҷой, маоши мансабӣ – 1276,00 сомонӣ;

       Воҳидҳои сохтории мақомоти иҷроияи маҳаллии ҳокимияти давлатии шаҳри Панҷакент
Сармутахассиси Раёсати кишоварзӣ – 1 ҷой, маоши мансабӣ – 1902,40 сомонӣ;
Сармутахассиси бахши сохтмон ва меъморӣ – 1 ҷой, маоши мансабӣ – 1902,40 сомонӣ;
Мутахассиси пешбари шуъбаи маориф – 1 ҷой, маоши мансабӣ –1554,40 сомонӣ;
Мутахассиси Раёсати кишоварзӣ - 1 ҷой, маоши мансабӣ – 1276,00 сомонӣ;

           Ҷамоатҳои деҳот
Сармутахассис – заминсози Ҷамоати деҳоти Амондара – 1 ҷой, маоши мансабӣ –1902,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Амондара – 1 ҷой, маоши мансабӣ – 1554,40 сомонӣ;
Мутахассиси пешбар оид ба кишоварзии Ҷамоати деҳоти Амондара – 1 ҷой, маоши мансабӣ – 1554,40 сомонӣ;
Мутахассиси андози Ҷамоати деҳоти Амондара – 1 ҷой, маоши мансабӣ– 1276,00 сомонӣ;
Сармутахассис – сармуҳосиби Ҷамоати деҳоти Лоиқ Шералӣ – 1 ҷой, маоши мансабӣ –1902,40 сомонӣ;
Сармутахассис оид ба корҳои омори Ҷамоати деҳоти Лоиқ Шералӣ – 1 ҷой, маоши мансабӣ –1902,40 сомонӣ;
Сармутахассис – заминсози Ҷамоати деҳоти Лоиқ Шералӣ – 1 ҷой, маоши мансабӣ – 1902,40 сомонӣ;
Мутахассиси пешбар оид ба кишоварзии Ҷамоати деҳоти Лоиқ Шералӣ - 1 ҷой, маоши мансабӣ – 1554,40 сомонӣ;
Сармутахассис – заминсози Ҷамоати деҳоти Ворў – 1 ҷой, маоши мансабӣ – 1902,40 сомонӣ;
Нозири мизи ҳарбии Ҷамоати деҳоти Ворӯ – 1 ҷой, маоши мансабӣ – 1554,40 сомонӣ;
Мутахассиси андози Ҷамоати деҳоти Ворӯ – 1 ҷой, маоши мансабӣ – 1276,00 сомонӣ
Сармутахассис – заминсози Ҷамоати деҳоти Рўдакӣ – 1 ҷой, маоши мансабӣ – 1902,40 сомонӣ;
Мутахассиси пешбар оид ба кишоварзии Ҷамоати деҳоти Рӯдакӣ – 1 ҷой, маоши мансабӣ – 1554,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Рӯдакӣ – 1 ҷой, маоши мансабӣ – 1554,40 сомонӣ;
Мутахассиси андози Ҷамоати деҳоти Рӯдакӣ – 1 ҷой, маоши мансабӣ – 1276,00 сомонӣ;
Сармутахассис – заминсози Ҷамоати деҳоти Саразм – 1 ҷой, маоши мансабӣ – 1902,40 сомонӣ; 
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Саразм – 1 ҷой, маоши мансабӣ – 1554,40 сомонӣ;
Нозири мизи ҳарбии Ҷамоати деҳоти Саразм – 1 ҷой, маоши мансабӣ – 1554,40 сомонӣ;
Мутахассиси пешбар оид ба кишоварзии Ҷамоати деҳоти Саразм – 1 ҷой, маоши мансабӣ – 1554,40 сомонӣ;
Мутахассиси андози Ҷамоати деҳоти Саразм – 1 ҷой, маоши мансабӣ – 1276,00 сомонӣ;
Сармутахассис – заминсози Ҷамоати деҳоти Халифа Ҳасан – 1 ҷой, маоши мансабӣ – 1902,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Халифа Ҳасан – 1 ҷой, маоши мансабӣ – 1554,40 сомонӣ;
Сармутахассис – заминсози Ҷамоати деҳоти Шинг – 1 ҷой, маоши мансабӣ – 1902,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Шинг - 1554,40 сомонӣ;
Сармутахассис – заминсози Ҷамоати деҳоти Фароб – 1 ҷой, маоши мансабӣ – 1902,40 сомонӣ;
Сармутахассис заминсози Ҷамоати деҳоти Косатарош – 1 ҷой, маоши мансабӣ – 1902,40 сомонӣ;
Мутахассиси пешбар оид ба кишоварзии Ҷамоати деҳоти Косатарош – 1 ҷой, маоши мансабӣ – 1554,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Косатарош – 1 ҷой, маоши мансабӣ - 1554,40 сомонӣ;
Сармутахассис – заминсози Ҷамоати деҳоти Хурмӣ – 1 ҷой, маоши мансабӣ – 1902,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Хурмӣ – 1 ҷой, маоши мансабӣ – 1554,40 сомонӣ;
Мутахассиси пешбар оид ба кишоварзии Ҷамоати деҳоти Хурмӣ – 1 ҷой, маоши мансабӣ – 1554,40 сомонӣ;
Сармутахассис оид ба дин, танзими анъана ва ҷашну маросими Ҷамоати деҳоти Суҷина – 1 ҷой, маоши мансабӣ – 1902,40 сомонӣ;
Мутахассиси пешбар оид ба рушди иҷтимоӣ ва робита бо ҷомеаи Ҷамоати деҳоти Сӯҷина – 1 ҷой, маоши мансабӣ – 1554,40 сомонӣ;
Сармутахассис – сармуҳосиби Ҷамоати деҳоти Сӯҷина – 1 ҷой, маоши мансабӣ – 1902,40 сомонӣ;   
Сармутахассис оид ба дин, танзими анъана ва ҷашну маросими Ҷамоати деҳоти Чинор – 1 ҷой, маоши мансабӣ – 1902,40 сомонӣ; 
Сармутахассис – сармуҳосиби Ҷамоати деҳоти Чинор – 1 ҷой, маоши мансабӣ – 1902,40 сомонӣ;
Сармутахассис – заминсози Ҷамоати деҳоти Чинор – 1 ҷой, маоши мансабӣ – 1902,40 сомонӣ;
Нозири мизи ҳарбии Ҷамоати деҳоти Чинор – 1 ҷой, маоши мансабӣ – 1554,40 сомонӣ;
Сармутахассис оид ба корҳои омори Ҷамоати деҳоти Ёрӣ – 1 ҷой, маоши мансабӣ – 1902,40 сомонӣ; 
Сармутахассис – сармуҳосиби Ҷамоати деҳоти Ёрӣ– 1 ҷой, маоши мансабӣ – 1902,40 сомонӣ;
Мутахассиси пешбар оид ба кишоварзии Ҷамоати деҳоти Ёрӣ - 1 ҷой, маоши мансабӣ – 1554,40 сомонӣ;
Сармутахассис оид ба корҳои омори Ҷамоати деҳоти Моғиён – 1 ҷой, маоши мансабӣ –1902,40 сомонӣ;

        Талаботи тахассусӣ барои ишғоли мансаби мудири бахш:
– таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;
– 3 сол собиқаи хизмати давлатӣ ва ё 4 сол собиқаи умумии меҳнатӣ;
– дониш ва малакаи роҳбарӣ, идоракунӣ, банақшагирии раванди кор ва кор бо тобеон;
– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;
–  малакаи кор бо компютер;

       Талаботи тахассусӣ барои ишғоли мансаби сармутахассис:
– 2 сол собиқаи хизмати давлатӣ ва ё 3 сол собиқаи умумии меҳнатӣ;
– дониш ва малакаи роҳбарӣ, идоракунӣ, банақшагирии раванди кор ва кор бо тобеон;
– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;
–  малакаи кор бо компютер;

         Талаботи тахассусӣ барои ишғоли мансаби мутахассиси пешбар:
– таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;
– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;
–  малакаи кор бо компютер;

      Талаботи тахассусӣ барои ишғоли мансаби мутахассис:
– таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;
– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ;
– малакаи кор бо компютер;

         Суроғаи қабули ҳуҷҷатҳо
    Шаҳри Панҷакент, хиёбони Рўдакӣ 122, мақомоти иҷроияи маҳаллии ҳокимияти давлатии шаҳр, ошёнаи 2, шуъбаи ташкилӣ ва кор бо кадрҳои дастгоҳи раиси шаҳри Панҷакент, телефон барои маълумот: 5-53-52, 5-72-25, почтаи электронӣ mimhd_panjakent@mail;ru
      Муҳлати қабули ҳуҷҷатҳо дар давоми 21 рӯз пас аз нашри эълон;

         Барои иштирок дар озмун  ҳуҷҷатҳои зерин пешниҳод карда мешаванд:
– ариза ба унвони роҳбари мақоми давлатӣ; 
– варақаи шахсии баҳисобгирии кадрҳо (бо 2 дона расми андозаи 4х6);
– тарҷумаи ҳол;
– нусхаи шиноснома;
– нусхаи ҳуҷҷатҳо дар бораи таҳсилот;
– нусхаи дафтарчаи меҳнатӣ (ба ғайр аз ҳолатҳое, ки шахс собиқаи меҳнатӣ надорад);
– маълумотнома оид ба вазъи саломатӣ дар шакли 038 УЕ;
– нусхаи гувоҳномаи рақами мушаххаси андозсупоранда;
– эъломия оид вазъи молумулкӣ ва маълумот дар бораи супоридани эъломия оид ба андоз аз даромад;
– нусхаи билети ҳарбӣ (барои шахсоне, ки хизмати ҳарбиро адо намудаанд);
– маълумотнома оид ба таъқиби ҷиноятӣ (доғи судӣ, суд шудан, рад ё қатъ кардани парвандаи ҷиноятӣ);
– маълумотнома аз ҷои зист.

2025-05-05 12:36:22

ДАР МУҲОКИМА – МАСЪАЛАҲОИ МУҲИМИ РӮЗ

Дар маҷлиси назоратии назди раиси шаҳри Панҷакент, ки имрӯз баргузор шуд, масъалаҳои муҳими соҳаҳои иқтисодию иҷтимоии шаҳр мавриди баррасӣ қарор дода шуд.

  Зимни пурсиш   аз масъулони мақомоти иҷроияи маҳаллии ҳокимияти давлатии шаҳр, раисони ҷамоатҳои деҳот раиси шаҳр Абдухолиқ Холиқзода  таваҷҷӯҳи онҳоро  ба вусъат додани кишти баҳорӣ, аз ҷумла  картошка,  ҷалб намуд ва дастур дода шуд, ки бо иштироки мутасаддиёни шаҳрдорӣ вазъи кишт ва роҳандозии парвариши кирми пилла ҳамарӯза дар ҷамоатҳои деҳот натиҷагирӣ карда шавад.

  Дар ҷаласаи назоратӣ ҳамчунин  гузоришҳои сармеъмори шаҳр оид ба  рафти корҳо дар иншооте, ки тибқи нақшаи омодагӣ ба 35- солагии истиқлоли давлатии Ҷумҳурии Тоҷикистон бунёд  карда мешаванд ва  мудири шуъбаи саноату нақлиёти мақомоти иҷроияи маҳаллии ҳокимияти давлатии шаҳр  дар бораи ваъи иҷрои  “Барномаи мақсадноки  давлатии  рушди комплекси нақлиёти Ҷумҳурии Тоҷикистон то соли 2025”  дар шаҳр шунида,  аз ҷумла,  беҳтар намудани сатҳи  хидматрасонии нақлиёти мусофирбар ва боркашон, идома додани таъмиру таҷдид ва мумфаршкунии роҳҳои маҳаллӣ муҳим арзёбӣ карда шуд.

  Дар маҷлиси назоратӣ дигар масъалаҳои муҳими  соҳаҳои иқтисодию иҷтимоии шаҳр, аз ҷумла  ҷиҳати дар сатҳи баланди ташкилӣ ва фарҳангӣ таҷлил намудани иду ҷашнҳои моҳи ҷорӣ ба масъулин дастур дода, пешниҳодҳои мақомоти прокуратураи вилояти Суғд ва шаҳр  мавриди таҳлилу баррасӣ қарор гирифт.

2025-05-05 10:41:18

ШАҲРИ МО – ХОНАИ МО: ОНРО ТОЗАЮ ОЗОДА НИГОҲ ДОРЕМ

Муроҷиатнома ба кулли сокинони шаҳри Панҷакент

     Шаҳри Панҷакент бо таърихи ғановатманд, ёдгориҳои беназири таърихӣ, ки ба Феҳристи мероси башарии созмони ЮНЕСКО шомил шудаанд, фарзандони фарзонааш, ки номбардори миллату кишвар ҳастанд, манзараҳои нотакрори табиӣ  кайҳост, ки мавриди таваҷҷӯҳи сайёҳони дохилию хориҷӣ қарор гирифтааст ва ҳар сол ҳазорон нафар  сайёҳону меҳмонон аз он дидан менамоянд.
       Дар даврони истиқлоли давлатии кишварамон  ба шарофати сиёсати ободгаронаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ  Раҳмон шаҳри мо симояшро ба тадриҷ дигар мекунад, бо бунёди биноҳои баландошёнаи истиқоматӣ, иншооти таъиноти истеҳсолию иҷтимоӣ, таъмиру таҷдиди роҳу кӯчаҳо, бунёди майдону гулгаштҳо, сабзкорию гулшинонӣ боз ҳам ободу зебо гардида, ба шаҳри ҳозиразамон табдил меёбад. 
       Аз ҷумла, дар доираи нақшаи омодагиҳо ба 35-умин солгарди истиқлоли давлатии Ҷумҳурии Тоҷикистон, ки бо қарори раиси шаҳр тасдиқ шудааст, бунёди 984 иншооти таъиноти гуногун ба нақша гирифта, то ин муддат беш аз 660 иншоот, аз ҷумла, дар шаҳр  12 бинои баландошёнаи истиқоматӣ бо марказҳои тиҷоратию истеҳсолӣ мавриди истифода қарор дода, ҳоло бунёди беш аз чил чунин биноҳои баландошёна идома доранд.
      Баҳори ҷорӣ дар  ҳудуди шаҳр садҳо бех  ниҳоли дарахтони нодири ороишӣ ва ҳазорҳо бех гулҳои гуногуни мавсимию доимӣ шинонида шуданд ва ин кор минбаъд низ идома дода мешавад.
     Риояи фарҳанги шаҳрнишинӣ, ба қадри ин бунёдкориҳо  расидан,  саҳмгузорӣ дар ин  ободкориҳо, тозаю озода нигоҳ доштани манзил,гирду атрофи он, роҳу кӯчаҳо,  аз рисолати аслии сокинони   шаҳри бостониамон мебошад.
       Фарҳанги шаҳрнишинӣ пеш аз ҳама дар тозаю озодакорӣ,  дар соати муайян ва дар ҷойи муайян баровардани партовҳои маишӣ зуҳур меёбад, ки мутаасифона, на ҳама ҳамшаҳриҳои азизамон ба ин риоя мекунанд.
        Бо дастгирии мақомоти иҷроияи маҳаллии ҳокимияти давлатии шаҳр  солҳои охир барои  сари вақт баровардани партовҳои маишӣ ба   корхонаи фаръии “Хоҷагии манзилӣ- коммуналӣ” се нақлиёту техникаи борбардор  дастрас шуда, ҳоло  шаш нақлиёт ба ин кор сафарбар карда шудааст, Ҳамчунин  дар ин солҳо дар ҳудуди шаҳр шаш партовҷои замонавӣ сохта, шумораи онҳо ба 50 адад расонида шуд. Яъне корхона имкон дорад, ки патовҳоро сари вақт ҷамъоварӣ намуда, онро ба партовгоҳи шаҳрӣ кашонад. Ҳамчунин дар кӯчаҳои асосии шаҳр даҳҳо адад қуттиҳои оҳанӣ ва  симини партов гузошта шудаанд.
      Барои ин, пеш аз ҳама дастгирии шумо- ҳамшаҳриҳои арҷманд, зарур аст. Ин дастгирӣ дар тозаю озода нигоҳ доштани хонаю дар,  роҳу кӯча ва ҷӯйбори маҳали зист,  тарбияи фарзандон дар рӯҳияи озодакорӣ,  дар соати муайяншуда баровардани партовҳои маишӣ зуҳур меёбад.
       Ба шумо- сокинони шаҳр, раисон ва аъзоёну фаъолони маҳаллаҳои шаҳр, соҳибкорон, соҳибмулкону кормандони нуқтаҳои савдо ва хуроки умумӣ, роҳбарону кормандони ташкилоту идораҳо, ба устодону омӯзгорону муассисаҳои таҳсилоти олӣ,  коллеҷу литсейҳо, муассисаҳои таҳсилоти миёнаи умумӣ МУРОҶИАТ  МЕНАМОЕМ:
      Фарҳанги шаҳрнишиниро риоя намоед, шаҳри бостониамонро чун хонаи худ ҳисоб кунед,  дар тозаю озода нигоҳ доштани манзилу маҳали зист, коргоҳ, роҳу кӯча ба   ҷавонону наврасон намунаи ибрат бошед, онҳоро дар рӯҳияи озодакорӣ, эҳтиром гузоштан ба заҳмати хоҳарону модаронамон,  дигар кормандони хоҷагии манзилӣ- коммуналӣ,  ки ба тозаю озода нигоҳ доштани шаҳр, сарсабз нигоҳ доштани ниҳолу гулҳои ҳудуди шаҳр машғуланд,тарбия намоед;
      Партовҳои маиширо  танҳо дар вақти майяншуда-  ҲАР РӮЗ АЗ СОАТИ 19  то 23 ба партовгоҳҳо бароред, ин корро ба уҳдаи хурдсолон нагузоред. 
      Дар сурати риояи ин реҷа ҳамаи партовҳо  то субҳ ба партовгоҳи асосӣ кашонида мешавад ва дар ин фасли гармо шаҳрамон аз ҳама нопокиҳо эмин дошта, сарсабзу зебо ва тозаю озода мемонад.
   ҲАМДИЁРОНИ АИЗ! 
        Умед мекунем, ки ин муроҷиатномаро худ мутолиа менамоед,  мазмуну мӯҳтавои онро ба аҳли оила, ҳамсояю ҳаммаҳаллаю ҳамкорон, меҳмонони шаҳр мерасонед ва  дасти ҳам гирифта, шаҳри бостониамонро ба як гӯшаи ободу зебо ва тозаю озодаи Ватани азизамон табдил медиҳем, ба сайёҳону меҳмонони сершумори он  фарҳанги баланди шаҳрнишиниро, ки мерос аз гузаштагони барӯмандамон, бостоншаҳрҳои Саразму Панҷакенти қадим ва миллати озодаи тоҷик аст, нишон медиҳем.

                                       Мақомоти иҷроияи маҳаллии 
                             ҳокимияти давлатии шаҳри Панҷакент

2025-05-04 12:38:31

ДАР ШАҲРИ ПАНҶАКЕНТ МУСОБИҚАИ ҶУМҲУРИЯВӢ ОИД БА ПОЙГА БАРГУЗОР ШУД

Субҳи 3 майи соли равон дар саҳни Кохи Лоиқи шаҳри Панҷакент садҳо нафар ҳаводорон ва мухлисони варзиши сабук аз ҳамаи манотиқи мамлакат ҷамъ омаданд.

  Ин рӯз  аз ин ҷо мусобиқаи ҷумҳуриявӣ оид ба варзиши сабук- пойга, ба хотири гиромидошти  Устоди варзиши шуравӣ Шайдулло Исоев, ки  бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Ассосатсияи дав ва марафонҳои  мамлакат, мақомоти иҷроияи маҳаллии ҳокимияти давлатии шаҳри Панҷакент ва фарзандони ин варзишгари номвар ташкил карда шудааст,  оғоз шуд.

  Мусобиқа бо сухани ифтитоҳии раиси шаҳри Панҷакент Абдухолиқ Холиқзода оғоз шуда, вазишгарон   дар  давидан  ба масофаҳои 10, 8 ва 4 километр нерӯ санҷида, байни мардон, бонувон ва собиқадорон  фаъолтаринашон ба марра аз ҳама пеш расиданд.

  Дар ҷамъбасти ин мусобиқаи ҷумҳуриявӣ ба ғолибон  нишон, ифтихорномаю сипоснома ва тӯҳфаҳои таъсиснамудаи  ҳайати тадорукот ва ташкилкунандагони он супорида шуд.

2025-05-04 11:22:08

РАСИДАГӢ БА МУРОҶИАТИ ШАҲРВАНДОН

Дар рӯзи қабули раиси шаҳри Панҷакент Абдухолиқ Холиқзода, ки тибқи нақша ҳар ҳафта рӯзи шанбе баргузор мешавад, ин навбат як гурӯҳ бонувон аз деҳаи Бедаки Ҷамоати деҳоти Косатарош муроҷиат намуданд.

  Онҳо дархост карданд дар заминҳое,ки  барояшон ҳамчун қитъаи наздиҳавлигӣ ҷудо шудааст ва дар ҳамворӣ воқеъ аст, кишту кор намоянд ва ба ҷои он дар заминҳои ғайрикишоварзӣ ва лалмӣ, ки дар шафати он воқеъ аст, барои бунёди  истиқоматгоҳ замин ҷудо кунанд.

  Ин пешниҳоди онҳо   қобили қабул дониста, гуфта шуд, ки ин масъала давоми ҳафта дар ҷояш дида, ҳатман ҳал карда мешавад.

  Ҳамин тавр, дархости ҷавоне, ки нав аз хидмати ҳарбӣ баргаштааст, шунида, барои пардохти маблағи  касбомӯзии ӯ дар  мактаби ронандагии  Ташкилоти мададгори мудофиа дастур дода шуд.

  Дар рӯзи қабул ҳамчунин дигар муроҷиату дархост ва пешниҳоди шаҳрвандон шунида, моҳият ва роҳи ҳалли қонунии онҳо фаҳмонида, барои  баррасӣ ва ҳалли қонунииашон ба ниҳодҳои марбутаи мақомоти иҷроияи маҳаллии ҳокимияти давлатии шаҳр ва ташкилоту муассисаҳо дастур дода шуд.

2025-05-03 08:35:52

МУЛОҚОТ БО СОБИҚАДОРОНИ МЕҲНАТ

Сокини ҳафтоду ҳаштсолаи деҳаи Ғезани болои Ҷамоати деҳоти Моғиёни шаҳри Панҷакент  Боймурод Эшмуродов то ба синни нафақа расидан беш аз чил сол    механизатор буд ва дар рушди соҳаи кишварзӣ саҳми босазо гузоштааст.

  Ҳоло бошад дар иҳотаи фарзндону наберагон давлати пирӣ меронад ва онҳоро ба роҳи дурусти зиндагӣ ҳидоят менамояд.

  Раиси шаҳр Абдухолиқ Холиқзода зимни сафари корӣ бо ин собиқадори барӯманд мулоқот намуд ва дар сӯҳбат  бо ӯ аз ғамхориҳои давлату Ҳукумати кишвар ба  ин табақа сухан рафт.

  Дар ин сафар ҳамчунин  сокини деҳаи Пуштакӯҳ, собиқадори меҳнат  Умарой Рустамова аёдат карда шуд.

  Ба собиқадорони меҳнат тӯҳфаҳои пулию молии мақомоти иҷроияи маҳаллии ҳокимияти давлатии шаҳр тақдим карда шуд.

2025-05-03 08:34:28

БОЗДИД АЗ КОРГОҲИ ИСТЕҲСОЛИ АНГИШТ

Дар ҷамъияти дорои масъулияти маҳдуди “Дион- ангишт. Тоҷикистон” , ки дар ҳудуди Ҷамоати деҳоти Моғиёни шаҳри Панҷакент воқеъ аст,бо насби таҷҳизоти нав истеҳсоли ангиштро зиёд  менамояд.

 Тавре зимни боздид раиси шаҳр  Абдухолиқ Холиқзода гуфта шуд, ба коргоҳ як маҷмӯъ таҷҳизоти нави истеҳсоли ангишт ворид  кардаанд ва баъди ба анҷом расонидани  насби онҳо иқтидори истеҳсолии корхона меафзояд.

  Ба масъулини коргоҳ ҷиҳати дар мӯҳлати кӯтоҳ анҷом додани насби таҷҳизот ва  зиёд намудани истеҳсоли аннгишт дастур дода шуд.

2025-05-02 19:12:23

ҒОЛИБИ ДАВРАИ ВИЛОЯТИИ ОЗМУНИ "ОИЛАИ БЕҲТАРИН"

Дар даври вилоятии озмуни ҷумҳуриявии "Оилаи беҳтарин" , ки  имрӯз баргузор гардид. оилаи Самадовҳо аз Ҷамоати деҳоти Ёрии шаҳри Панҷакент сазовори дипломи дараҷаи аввал ва тӯҳфаҳои хотиравии раиси вилояти Суғд  ва роҳхат ба даври ҷумҳуриявии ин озмун гардид.

  Озмуни мазкур бо мақсади баланд бардоштани масъулияти оила дар таҳкими фарҳанги оиладорӣ ҳамчун арзиши муҳими иҷтимоӣ, фарҳангӣ, нигоҳдорандаи анъанаҳои миллӣ, маънавӣ ва ахлоқӣ дар муносибатҳои оилавӣ, омода намудани ҷавонон ба ҳаёти мустақилона ва ҳидояти онҳо ба нигоҳубин ва парастории волидайн   ҳамасола баргузор карда мешавад

2025-05-02 19:04:37

ДАР ҶАМОАТИ ДЕҲОТИ МОҒИЁН КИШТИ КАРТОШКА ВУСЪАТ МЕЁБАД.

 Раиси шаҳри Панҷакент Абдухолиқ Холиқзода зимни сафари корӣ ба Ҷамоати деҳоти Моғиён дар ҳашари кишти картошка дар кооперативи истеҳсолӣ-тиҷоратии “Моғиён” иштирок намуд.

  Иттилоъ дода шуд, ки дар  хоҷагӣ соли равон  кишти картошкаро дар майдони 160 гектар ба нақша гирифта, то имрӯз дар майдони 105 гектар кишт кардаанд.

  Зимнан дар иқлими Ҷамоати деҳоти Моғиён, ки дар баландкӯҳ воқеъ аст, картошка ҳосили фаровон медиҳад ва инро таҷрибаи деҳқонони варзида борҳо собит намудааст.

  Ба кишоварзон ҷиҳати дар мӯҳлати кӯтоҳ анҷом додани кишти картошка ва дигар зироати баҳорӣ дастуру маслиҳат дода шуд.

2025-05-02 17:52:10

САФАРИ КОРӢ БА ҶАМОАТИ ДЕҲОТИ МОҒИЁН

Бо дастгирӣ ва мусоидати мақомоти  иҷроияи маҳаллии ҳокимияти давлатии шаҳри Панҷакент дар Ҷамоати деҳоти Моғиён корҳои ободонӣ ва бунёди иншооти таъиноти иҷтимоӣ бо ҷалби соҳибкорон ва сокинон   ба истиқболи ҷашни 35- солагии истиқлоли давлатии Ҷумҳурии Тоҷикистон вусъат меёбад.

  Раиси шаҳр  Абдухолиқ Холиқзода дар ҷараёни сафари корӣ ба ҷамоати деҳот бо рафти  сохтмони як қатор иншоот шинос шуда, ба ташаббускорони он изҳори сипос карда шуд.

  Аз ҷумла, ҳоло дар деҳаи  Ғезани боло корҳои бунёди бинои нави муассисаи таҳсилоти миёнаи умумии № 23 оғоз шуда, сохтмони  майдончаи варзишӣ ва дар  маҳаллаи Нови дияи деҳаи Сор бунёди синфхонаҳои иловагӣ идома дошта, беморхонаи минтақавии Ҷамоати деҳот аз таъмири ҷорӣ бароварда шудааст.

   Зимни сафари корӣ ба ҷамоати деҳот ҳамчунин бо ҳолати роҳи нақлиётии мавзеи Ваҷағна шинос шуда, ба  масъулини   корхонаи муштараки Зарафшон  ва муассисаи давлатии истифодаи роҳҳои  автомобилӣ  барои таъмини бехатарии ҳаракат дар ин қитъаи роҳ аз сангфароӣ дастур дода шуд.

2025-05-02 17:43:48

БА ДЕҲАИ ХУРМИИ ҶАМОАТИ ДЕҲОТИ МОҒИЁН БА МАСОФАИ НӮҲ КИЛОМЕТР ХАТИ ОБ КАШИДА МЕШАВАД

Бо дастгирии мақомоти иҷроияи маҳаллии ҳокимияти давлатии шаҳри Панҷакент ва саҳмгузории сокинон ба деҳаи Хурмии Ҷамоати деҳоти Моғиёни шаҳри Панҷакент  ба масофаи 9 километр хати оби полезӣ ва нӯшокӣ кашида мешавад.

  Раиси шаҳр Абдухолиқ Холиқзода зимни сафари корӣ ба Ҷамоати деҳоти Моғиён бо сокинони деҳа, ки ба ҳашари кашидани ин хати об баромада буданд , вохӯрда, ба ташаббускорони ин иқдоми наҷиб аҳсант хонд.

  Иттилоъ дода шуд, ки  ин хати об тавассути лӯлаҳои қутрашон аз 250 то 300 мм. аз мавзеъи Дараи Роғич то   деҳаи Хурмӣ, ки масофааш аз нӯҳ киломтр бештар аст , аз тариқи мавзеъҳои ноҳамвори кӯҳӣ, дарю сойҳо бо бунёди ҳавзҳо ва динар иншооти зарурӣ кашида мешавад ва то ин дам беш аз панҷоҳ дарсади корҳо ба иҷро расидааст.

   Бо анҷом  кашидани  ин хати об, ки арзишаш беш аз 4 миллион сомонӣ гуфта мешавад   2150 нафар сокинони деҳаи Хурмӣ, ки ҳоло аз норасоиии оби нӯшокию полезӣ танқисӣ мекашанд бо оби тозаи нӯшокӣ ва ҳамаи заминҳои кишт бо оби полезӣ таъмин карда мешавад.

    Ҳоло ҳамарӯза даҳҳо нафар сокинони деҳа ин ҷо ба кор баромада, ният доранд бунёди хати обро то охири соли равон ба анҷом расонанд.

2025-05-02 17:39:16

БОЗДИД АЗ РАФТИ БУНЁДИ ИНШООТИ ҶАШНӢ

Дар шаҳри Панҷакент ба истиқболи ҷашни 35- солагии истиқлоли давлатии Ҷумҳурии Тоҷикистон бунёди 984 иншооти таъиноти гуногун ба нақша гирифта, то ин муддат беш аз 660  адади онҳо мавриди истифода қарор  гирифта, рафти корҳо дар иншоотҳои дигпари ҷашнӣ зери назари пайвастаи мақомоти иҷроияи маҳаллии ҳокимияти давлатии шаҳр  аст.

  Раиси шаҳр Абдухолиқ Холиқзода зимни боздид аз рафти корҳо дар бунёди меҳмонхонаи соҳибкор Фаридун Мукамбилов дар кӯчаи Борбади Марвазӣ, бинои баландошёнаи соҳибкор Нуъмон Шафиев ба онҳо ҷиҳати вусъат додани корҳо ҷиҳати дар мӯҳлати пешбинишуда ба истифола додани иншоот дастур дод.

   Дар  ҷараёни  боздид   бо рафти ташкили Маркази  ҳунармандӣ дар қисмати Қасри геологҳо дар маҳаллаи Боймурод Холмуродов, гуфта шуд, ки баъди таҷдиду таъмир ин ҷо ҳунармандон сарҷамъона ба ҳунарҳои мардумӣ машғул шуда,  намоиши  маҳсули дасташон низ ба намоиш ва фурӯш гузошта  хоҳад шуд. 

     Дар рафти боздид ҳамчунин барои бо тарҳи хоса ободу зебо намудани саҳну атрофи  бинои нави маъмурии Кумитаи иҷроияи шаҳрии ҲХДТ ва дигар иншооти ҷашнӣ ба масъулин дастур дода шуд.