Соли равон ба зодрӯзи шоири номвару соҳибистеъдоди тоҷик Мастон Шералӣ 90-сол пур мешавад.

Мақомоти иҷроияи маҳаллии ҳокимияти давлатии шаҳри Панҷакент дар доираи ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба арҷгузорӣ ба фарзандони шоистаи миллат ба ин муносибат иҷрои маҷмӯи чорабиниҳоро, аз қабили нашри осори адиб, баргузории нишасту конфронсҳо ва таъмиру таҷдиди муассисаи таҳсилоти миёнаи умумии №52-и деҳаи Зери Ҳисорро, ки номи шоирро дорад, бунёди толори варзиш ва хона- музеи шоирро дар назди таълимгоҳ ба нақша гирифтааст ва онҳо ҳоло дар марҳалаи иҷро қарор доранд.

Зимни боздиди раиси шаҳр Абдухолиқ Холиқзода аз рафти бунёди толори варзиш, хона-музей ва бо тарҳи ҷадид обод намудани саҳни таълимгоҳ ба соҳибкор Абдушафеъ Ҳоҷиев барои маблағгузории ин ободкориҳо изҳори сипос намуда, ба масъулин барои дар мӯҳлати пешбинишуда ва бо сифати хуб анҷом додани ин корҳо дастур дода шуд.