ИФТИТОҲИ БИНОИ НАВИ ТАЪЛИМӢ ВА СИНФХОНАҲОИ ИЛОВАГӢ БАРОИ 550 ХОНАНДА ДАР ДУ БАСТ
2025-09-02 15:35:56
Бинои нав аз 7 синфхона иборат буда, дар ду баст 350 нафар хонандагонро ба таҳсил фаро мегирад ва бо дастгирии мақомоти иҷроияи маҳаллии ҳокимияти давлатии шаҳр ва саҳмгузории соҳибкорону сокинони деҳа сохта шудааст.
Дар маросими ифтитоҳи бинои нав раиси шаҳр Абдухолиқ Холиқзода ва сардори Раёсати Агентии назорат дар соҳаи маориф ва илм дар вилоят Акмал Оқилзода иштирок намуданд.
Ба ташаббускорон ва саҳмгузорони бунёди бинои нав сипосгузорӣ карда шуд ва омӯзгорон барои дар сатҳи баланд ба роҳ мондани таълиму тарбияи насли наврас даъват шуданд.
Дар сӯҳбат бо фаъолони деҳа ва омӯзгорон масъалаи бунёди кӯдакистон дар деҳа ба миён гузошта шуд.
Дар ин рӯз ҳамчунин дар муассисаи таҳсилоти миёнаи умумии №68-и деҳаи Соҳили деҳоти Сӯҷина чор синфхонаи иловагӣ бо фарогирии 200 нафар дар ду баст ба истифода дода шуд.
