Имрӯз дар деҳоти Саразми шаҳри Панҷакент мумфарш намудани қитъаи роҳи Чиларча – Бостондеҳ бо иштироки раиси шаҳр Абдухолиқ Холиқзода, собицадорон ва фаъолони деҳаи Чиларча оғоз шуд.

Иттилоъ дода шуд, ки ин қитъаи роҳи 7,3 километра бо харҷи 3,5 миллион сомонӣ саҳмгузории сокинони деҳаҳои Чиларча, Томирис, Кӯҳдоман, Осиётеппа, Абдусамад, Ҳавзаки боло ва Камари боло бо дастгирии мақомоти иҷроияи маҳаллии ҳокимияти давлатии шаҳр аз ҷониби роҳсозони ширкати “Азимиён” ва муассисаи давлатии нигоҳдории роҳҳои автомобилгарди шаҳр мумфарш карда мешавад.

Барои дар мӯҳлати кӯтоҳ анҷом додани ин кор техникаю таҷҳизоти зарурӣ ҷалб шуда, фарши роҳ тибқи қоидаҳои роҳсозӣ тахту ҳамвор ва ба мумфаршкунӣ омода карда шудааст.

Ба масъулин ҷиҳати риояи қатъии қоидаҳои роҳсозӣ, ки ба истифодаи тӯлонии он кафодат медиҳад, дастур дода шуд.