Дар заминаи сиёсати сӯлҳдӯстонаи Давлати Тоҷикистон муносибатҳои гуногунҷабҳаи мамлакати мо бо кишварҳои хориҷа густариш меёбад.

Дар ин замина имрӯз раиси шаҳри Панҷакент Абдухолиқ Холиқзода Сафири Фавқуллода ва Мухтори Ҷумҳурии Озарбойҷон дар Ҷумҳурии Тоҷикистон ҷаноби Алимирзамин Асғаровро зимни ташрифаш ба шаҳри Панҷакент, ба ҳузур пазируфт.

Дар сӯҳбат сафир муносибатҳои дӯстонаи ду давлат дар заминаи равобити таърихию фарҳангӣ ва иқтисодӣ, ки бо дастури роҳбарияти олии ду кишвар ва шартномаҳои байнидавлатӣ роҳандозӣ шудааст,мусбат арзёбӣ намуда, таъкид дошт, ки ӯ ба ёдгориҳои бостонии шаҳри Панҷакент, ашъори саромади адабиёти тоҷикӣ- форсӣ устод Абӯабдуллоҳи Рӯдакӣ таваҷҷӯҳи хоса дорад.

Ҷонибҳо омодагиашонро барои густариши робитаҳои иқтисодӣ ва фарҳангӣ дар доираи муносибатҳои ҳасанаи Ҷумҳурии Тоҷикистон ва Ҷумҳурии Озарбойҷон изҳор намуданд.