ДАР ШАҲРИ ПАНҶАКЕНТ БУНЁДИ МАҲАЛЛАИ НАВИ ЗАМОНАВӢ ИДОМА ДОРАД..
2026-09-18 09:57:06
Дар қисмати ҷанубии шаҳри Панҷакент, дар канори маҳаллаи Рӯдакӣ бо дастгирии мақомоти иҷроияи маҳаллии ҳокимияти давлатии шаҳр ва сармоягузории соҳибкор Ҳайдаралӣ Ниёзов аз ҷониби ширкати сохтмонии “Сайёраи Зуҳал” бунёди маҳаллаи нави истиқоматии замонавӣ оғоз шуда, ҳоло идома дорад.
Тавре зимни боздиди раиси шаҳр Абдухолиқ Холиқзода аз рафти сохтмон иттилоъ дода шуд, дар маҳаллаи нав бунёди 19 котеҷи дуқабатаи дорои шароити мувофиқи зист пешбинӣ шуда, масоҳати онҳо дар маҷмӯъ 8500 метри мураббаъро ташкил медиҳад.
Дар лоиҳаи маҳаллаи нав майдончаҳои бозии кӯдакон, таваққуфгоҳи нақлиёт, роҳравҳо ва сабзкории ҳудуди он пешбинӣ карда шудааст.
Ба соҳибкор ва масъулини ширкати паймонкор ҷиҳати дар муҳлати пешбинишуда ва сифати хубу намои зебо бунёд намудани маҳаллаи нав дастур дода шуд.
